नेपाल र भारतका सेनाको संयुक्त टोलीले कञ्चनजंघा आरोहण गर्ने
काठमाडौं, २१ चैत्र । नेपाली सेना र भारतीय सेनाका संयुक्त आरोहरण दलले विश्वको तेस्रो अग्लो शिखर कञ्चनजंघाको आरोहरण गर्ने भएका छन् । भारतका रक्षामन्त्री राजनाथ सिंहले संयुक्त टोलीको आरोहण अभियानलाई झण्डलोत्तन गरी बिहिबार शुभारम्भ गरेका हुन् ।
सिंहले टोलीलाई सफलताको शुभकामना दिदै नेपाल र भारतबीचको गहिरो सैन्य सम्बन्धलाई संयुक्त आरोहरणले अझ सुदृढ पार्ने बताए । उनले नेपाल र भारतबीचको सम्बन्धको पनि चर्चा गरे ।
कार्यक्रममा भारतका लागि नेपालका राजदूत डा. शंकर शर्मा, नेपाली सेनाका सैनिक तालिम महानिर्देशनालयका महानिर्देशक उपरथी ध्रुव प्रकाश शाह पनि सहभागी थिए । भारतका स्थल सेनाका सेनापति जनरल उपेन्द्र द्विवेदी पनि समारोहमा उपस्थित थिए ।
नेपाल र भारतबीच सैन्य तहमा विशेष सम्बन्ध छ । दुवै देशका सेनापति एक अर्को देशको सेनाका मानार्थ जनरलको उपाधि पाउने परम्परा रहँदै आएको छ ।