बिमा प्राधिकरणमा शरद ओझाको नियुक्ति के होला ?
830
Shares
काठमाडौं, २१ चैत्र । शरद ओझालाई बिमा प्राधिकरणको अध्यक्ष नियुक्ति गर्दा नियमावली नै संशोधन गरिएको छ । यसअघि ३५ वर्ष पुग्नुपर्ने लेखिएकोमा घटाएर ३० लेखियो । कारण थियो ओझाको उमेर ३३ वर्ष हुनु ।
ओझाको बिमा क्षेत्रको अनुभवबारे झुठो विवरण भन्दै अधिवक्ता इन्दिरा धमलाले आइतबार दायर गरेको रिटमा सर्वोच्च अदालतले एक महिनाभित्र कारणसहित उपस्थित हुन सरकारलाई आदेश दिएको छ । १२ फागुनमा नियुक्त भएका ओझा पत्रकारिता गर्दै गर्दा नियुक्त भएका थिए । उनीसँग पाँच वर्ष बीमा क्षेत्रमा काम गरेको अनुभव नभएकाले झुठो विवरण पेश गरेको दाबी धमलाले गरेकी छिन् ।
विगत दुई वर्ष एउटा बीमा कम्पनीको अभिकर्ताका रुपमा ओझा रहेको विवरण पेश भएको बुझिएको छ । उनलाई दिपक भट्टको ब्याकिङ रहेको चर्चा छ । भट्टले नेपाल राष्ट्र बैंकको गभर्नर बनाउन पनि चासो लिइरहेका छन् ।