टेलिकमको बिलिङ काण्ड अख्तियारमा पुग्यो, अब के होला ?
काठमाडौं, २१ चैत्र । नेपाल टेलिकममा बिलिङ काण्डले बबाल मच्चिदै आएको छ । पटक पटक बोलपत्र आव्हान गर्ने र विवादित बनाउने गरेबाट अख्तियारको आँखा समेत परेको छ ।
५ चैत्रमा फेलि बिलिङ प्रणाली खरिदसम्बन्धी बोलपत्र आव्हान गरेपछि यो विषय विवादमा पर्नुका साथै अख्तियारमा समेत उजूरी परेको छ । टेलिकमले त्रुटी गरेको भन्दै बिलिङको ठेक्काबारे अधिवक्ता विक्रम थापाले अख्तियारमा उजूरी दिएका छन् ।
सुनियोजित तरिकाले योग्यताको मापदण्ड तय गरी बोलपत्र आव्हान गर्नुमा निश्चित कम्पनीलाई टेन्डर पार्न रहेको देखिएको छ । प्रतिष्पर्धाविहिन बनाएर निश्चित कम्पनीलाई टेन्डर पार्ने योजना बुनिएको छ ।
अख्तियारमा पुगेको उजूरीमा टेलिकमकी प्रबन्ध निर्देशक संगिता पहाडीलगायत पदाधिकारीले सेटिङमा काम गरिरहेको आरोप छ । पहाडीले कुन कम्पनीलाई टेन्डर पार्न खोजेकी छिन् भन्ने हल्ला टेलिकम भित्र व्यापक रुपमा चलिरहेको छ ।