२० चैत्र २०८१, बिहिबार | April 4, 2025

क्यानका प्रदीप अधिकारीका विचौलिया अर्जुन खड्का को हुन्


664
Shares

काठमाडौं, २१ चैत्र । अरबौं भ्रष्टाचारमा उजूरीको ठेली जम्मा भएपछि अख्तियारले नेपाल नागरिक उड्डयन प्राधिकरणका कार्यकारी निर्देशक प्रदीप अधिकारीबारे भित्र भित्र अनुसन्धान गरिरहेको बुझिएको छ । अधिकारीले आफू जोगिन सारा शक्ति लगाइरहे पनि सम्भव नहुने भएको छ । उनका विश्वासपात्र बिचौलिया देखि विदेशमा भएको घूसको लेनदेनबारे पनि तथ्यहरु खुल्न थालेका छन् ।

अधिकारीले विशेष तरिकाले खटाएका बिचौलिया हुन् पूर्वप्रहरी अर्जुन खड्का । उनी प्रहरीको जागिर छाडेर अमेरिका पलायन भएका थिए । उतैको नागरिक भइसकेका खड्काको नेपालमा विचौलियाका रुपमा सक्रियता रहस्यमी छ । उनले नै प्रदीपको विदेशमा हुने गरेको कमिशनको डिल मिलाउने र व्यवस्थापन गर्ने गर्दै आएको विश्वस्त स्रोतले बताएको छ ।

दोलखा स्थायी घर भई विगतमा ललितपुरमा बस्दै आएका खड्का प्रदीपका नातेदार पनि हुन् । नागरिक उड्डयनमा प्रदीपले कमान्ड सम्हालेपछि उनी नेपालमै बढी बस्दै आएका छन् ।

यसैगरी, ठेकेदार प्रकाश ढकाल अधिकारीको खास मान्छे हुन् । ठेक्कापट्टा उनले जसलाई भन्यो उसैलाई पर्छ । विभिन्न डिलमा पनि अर्जुन खड्का नै सक्रिय हुन्छन् । उनी अमेरिकी नागरिक भएर नेपालमा विचौलियाका रुपमा सक्रिय हुनुलाई गम्भीर मानिएको छ ।

नेपाली पेनले प्रकाश ढकालसँग अनियमिततामा सहयोग गर्ने गरेको र ठेक्कामा पनि चलखेल गर्दै अएकोबारे सोध्दा आफू काम गरी खाने मान्छे भएको जवाफ दिए । अर्जुनले भने आफू सामान्य मान्छे मात्र भएको भनी पन्छन खोजे ।

यसैगरी, प्रदीप अधिकारीले नागरिक उड्डयन क्षेत्रमा अहिलेसम्मकै ठूलो भ्रष्टाचार गरेको विषय तत्कालीन पर्यटनमन्त्री प्रेम आलेले सार्वजनिक गरिसकेका छन् । आलेकै पालामा प्रदीपको नियुक्ति भएको थियो ।

प्रतिक्रिया