भूमिसम्बन्धी अध्यादेशको विरोधमा सत्तारुढ लोसपा
1.4k
Shares
काठमाडौं, ३० माघ । सरकारले ल्याएको भूमिसम्बन्धी अध्यादेश संसदबाट पारित नहुने निश्चित भएको छ । अध्यादेश संसदको दुवै सदनबाट पारित हुनुपर्नेमा राष्ट्रिय सभामा अंकगणित नपुग्ने भएपछि पारित नहुने भएको हो ।
उपेन्द्र यादव नेतृत्वको विपक्षी जनता समाजवादी पार्टी नेपालले अध्यादेशले देश नै छिन्न भिन्न हुने खतरा औल्याएर विरोध जनाइसकेको छ बुधबार । यसको भोलिपल्ट सरकारमै सहभागी महन्थ ठाकुर नेतृत्वको लोकतान्त्रिक समाजवादी पार्टी नेपालले पनि अध्यादेशको विरोध गरेको छ ।
ठाकुरको हस्ताक्षर रहेको विज्ञप्तिमा अध्यादेशलाई जनविरोधी भनिएको छ । यसले बन फडानी बढाउने र अवैध जग्गा कब्जा हुने खतरा पनि औल्याएको छ ।
केपी शर्मा ओली नेतृत्वको सरकारले भूमाफियालाई फाइदा पुर्याउन र गैरकानूनी आप्रवासीलाई जमिन बाँड्ने नियतले भूमिसम्बन्धी अध्यादेश ल्याएको विश्लेषण हुँदै आएको छ ।