कुरान जलाउनेको स्वीडेनमा गोली हानी हत्या
1.7k
Shares
एजेन्सी, १७ माघ । मुसलमान धर्मग्रन्थ कुरान जलाउनेको स्वीडेनमा गोली हानी हत्या भएको छ । इराकी शरणार्थी सलवान मोमिकाको बुधबार गोली हानी हत्या गरिएको हो ।
स्वीडनस्थित उनकै अर्पाटमेन्टमा मोमिका मारिएका हुन् । उनी बिहिबार घृणित अभिव्यक्तिमा मुद्दामा अदालतमा उपस्थित हुँदै थिए । सन् २०१८ मा स्वीडेन पसेका मोमिकाले पाँच वर्ष अघि विभिन्न स्थानमा कुरान जलाउने विरोधका गतिविधिमा सहभागिता जनाएका थिए ।
स्वीडेनमा कुरान जलाएपछि इराक, टर्की, पाकिस्तान जस्ता देशले आपत्ति जनाएका थिए । त्यसपछि मोमिकालाई सुर्पुदगीको माग गरेका थिए ।
बुधबार मारिनुअघि मोमिका टीटटक लाइभमा थिए । घटनामा संलग्न पाँच जनालाई पक्राउ गरिएको छ । उनीहरुको पहिचान खुलाइएको छैन ।