हेलिकप्टर उडेको ३ मिनेटमै सम्पर्क टुटेको थियो
1.6k
Shares
काठमाडौं,२३ साउन । नुवाकोटको शिवपुरीमा दुर्घटना भएको हेलिकप्टर एयरपोर्टबाट उडेको ३ मिनेटमै सम्पर्क बिहिन भएको बुझिएको छ ।
हेलिकप्टर दुर्घटना हुँदा ४ जनाको मृत्यु भएको छ । काठमाडौंबाट रसुवाको स्याप्रुङबेंसीका लागि उडेको एयर डाइनेस्टीको ९ एन एजेडी हेलिकप्टर दुर्घटना भएको हो।
हेलिकप्टरमा पाँच जना सवार रहेको खुलेको छ । हेलिकप्टर क्याप्टेन अरुण मल्लले उडाएका थिए ।
हेलिकप्टरमा अन्य चार जना चिनियाँ पर्यटक सवार थिए । चिनियाँ पर्यटकमा जुदाड टाङ, जी लि, यियाद वु र जेमिङ सी रहेका छन् । हालसम्म चार जनाको शव फेला परेको छ ।
दुर्घटनाको अवस्था बुझ्न पर्यटन मन्त्री बद्री पाण्डे पनि घटनास्थलतर्फ लागेका छन् । उद्धारका लागि नेपाली सेनाको टोली पुगेको छ ।