लीलालाई पाखा लगाउँदै चेतनारायणले लुम्बिनीको मुख्यमन्त्रीमा यसरी मारे बाजी
![](https://nepalipen.com/wp-content/uploads/2024/07/chetnarayan-acharya.jpg)
काठमाडौं, ७ साउन । लुम्बिनी प्रदेशमा नेकपा एमालेबाट लीला गिरी मुख्यमन्त्री बन्ने निश्चित नै थियो । लुम्बिनी एमाले संसदीय दलका नेता गिरीले मन्त्रिमण्डलको तयारी पनि गरेका थिए । उनलाई मुख्यमन्त्री नियुक्त गर्ने तयारी भइसकेको थियो । तर, एमाले केन्द्रको निर्णयले गिरी पाखा लगाइए ।
गिरीले एमाले महासचिव शंकर पोखरेलनिकटलाई मन्त्री नबनाउने खेल खेले । त्यसमा विष्णु पौडेलको पनि स्वार्थ थियो । जसका कारण उनको मुख्यमन्त्री बन्ने प्रयास समेत विफल भयो ।
शंकर पोखरेलको चाहना बमोजिम चेतनारायण आचार्य मुख्यमन्त्री बने । उनलाई प्रदेश प्रमुख अमिक शेरचनले मुख्यमन्त्री नियुक्त समेत गरिसकेका छन् ।
लुम्बिनीमा मुख्यमन्त्री बन्ने एमालेभित्रको होडवाजीले अध्यक्ष केपी शर्मा ओलीपछिका नेताहरुबीचको प्रतिष्पर्धा पनि शतहमै आयो । ओलीपछि नेता बन्ने दौडमा उपाध्यक्ष विष्णु पौडेल र महासचिव शंकर पोखरेल दुवै छन् । दुवै लुम्बिनी प्रदेशका हुन् ।