भारत, दक्षिण अफ्रिका, इंग्ल्यान्ड र अफगानिस्तान सेमिफाइनलमा
1.3k
Shares
एजेन्सी, ११ असार । ट्वेन्टी ट्वेन्टी विश्वकप क्रिकेटको सेमिफाइनल खेल्ने चार टोली तय भएका छन् । मंगलबार विहान अफगानिस्तानले बँगलादेशमाथि कठिन जित निकाल्दै सेमिफाइनलको यात्रा तय गरेको हो । यसअघि भारत, दक्षिण अफ्रिका र इंग्ल्यान्डले सेमिफाइनलमा स्थान पक्का गरिसकेका थिए ।
बँगलादेशमाथि ८ रनको जित निकाल्ने क्रममा पटक पटक खेल वर्षाले रोकिएको थियो । डिएलएल मेथडमा अफगानिस्तानले जित निकाल्यो ।
११६ रनको लक्ष्य बँगलादेशले १२.१ ओभरमा पूरा गर्न सके सेमिफाइनलमा बँगलादेश नै पुग्ने अवस्था थियो । तर, उसले त्यो सफलता हासिल गर्न सकेन ।
अफगानिस्तानका खतरनाक बलरहरुले बँगलादेशका हस्ती खेलाडीहरुलाई सस्तोमै आउट गरिदिए ।
अफगानिस्तान पहिलोपटक विश्वकपको सेमिफाइनलमा प्रवेश गरेको हो । यो विश्वकपमा अफगानिस्तानले अष्ट्रेलिया जस्तो विश्वकप जितिसकेको टोलीलाई हरायो ।