युगान्डामा प्रधानमन्त्री प्रचण्ड र भारतका विदेशमन्त्री जयशंकरबीच भेट
![](https://nepalipen.com/wp-content/uploads/2024/01/Prachanda-Jayshankar.jpg)
काठमाडौं, ५ माघ । प्रधानमन्त्री पुष्पकमल दाहाल प्रचण्ड र भारतका विदेशमन्त्री डा. एस. जयशंकरबीच भेट भएको छ । युगान्डाको कम्पालामा विज्ञान, प्रविधि र नवप्रवर्तनमा असंलग्न आन्दोलन (नाम) को शिखर सम्मेलनका दौरान भेट भएको हो ।
भेटमा द्विपक्षीय हितका विषयमा कुराकानी भएको बुझिएको छ । २०२४ को सुरुमै जयशंकर नेपाल भ्रमणमा आएर महत्वपूर्ण सन्देश दिएका थिए । जनवरीमा प्रचण्ड र जयशंकर बीच यो दोस्रो भेट हो ।
यसैगरी, प्रधानमन्त्री प्रचण्डले विज्ञान, प्रविधि र नवप्रवर्तनमा असंलग्न आन्दोलन (नाम) को १९औं शिखर सम्मेलनलाई सम्बोधन गरेका छन् । उनले नामले विज्ञान, प्रविधि र नवप्रवर्तनलाई उच्च प्राथमिकता दिनुपर्नेमा जोड दिए ।