प्रेमिकाको योजनामा गोली प्रहार गरी प्रेमीको हत्या गरिएको खुलासा
0
Shares
काठमाडौं, १४ कात्तिक । बाराका निजी विद्यालयका सञ्चालक रुपेश सराफको हत्यामा उनकै प्रेमिका संलग्न रहेको खुलेको छ । घटनामा संलग्न प्रेमिकासहित १० जनालाई प्रहरीले पक्राउ गरेको छ ।
सोमबार बाराको कलैयामा गोली प्रहार गरिएका रुपेशको २१ वर्षीया युवतीसँग प्रेम सम्बन्ध रहेको र उनकै योजनामा हत्या भएको खुलेको हो । ती युवतीको अर्को पुरुषसँग पनि प्रेम सम्बन्ध रहेकोमा प्रेमीलाई प्रयोग गरी हत्या भएको प्रहरीले जानकारी दिएको छ ।
३५ वर्षीय रुपेशले बारामा एकता बोर्डिङ स्कुल चलाउँदै आएका थिए । उनको विद्यालय जिल्लामा चलेकोमध्येमा पर्दथ्यो ।
मोटरसाइकलमा आएको समूहले रुपेशमाथि गोली प्रहार गरेका थिए । उनको उपचारका क्रममा बयोधा अस्पतालमा निधन भएको हो ।