बैतडीमा जिप दुर्घटना, ६ जनाको मृत्यु
0
Shares
काठमाडौं, २९ चैत्र । बैतडीमा जिप दुर्घटना हुँदा एकै गाउँका ६ जनाको मृत्यु भएको छ । खोड्पेदेखि बझाङ जाँदै गरेको से १ ज ७६४ नम्बरको जिप गएराति साढे ११ बजे पाटन नगरपालिका ८ झाउलेकमा दुर्घटना भएको हो ।
पाटन नगरपालिका–८ मा जिप दुर्घटना हुँदा एकै गाउँ बझाङको केदारस्यु गाउँपालिका–५ का मने बोहारा, नरे बोहरा, गोरख बोहरा, बिर्ख धामी, मानबहादुर धामी र बिरे धामीको मृत्यु भएको प्रहरीले जनाएको छ ।
उनीहरु सबै एक गाउँका हुन् । जिपमा १२ जना सवार थिए भने ५ जनाले हाम फालेर ज्यान जोगाएका थिए । जिप दुर्घटनाबारे कारण भने खुलेको छैन् । जिप सडकबाट करिब ५ सय मिटर तल खसेको थियो ।