९ श्रावण २०८१, बुधबार | July 24, 2024

युट्युबर मनिषलाई अदालतमा पेश, ३ दिन हिरासतमा राखिने


0
Shares

एजेन्सी, १७ चैत्र । मजदुरहरूको बारेमा नक्कली भिडियोहरू सेयर गरेको आरोप खेपिरहेका युट्युबर मनीष कश्यपको समस्या अझै कम भएको छैन् । तमिलनाडु प्रहरीले मनिष कश्यपलाई बिहीबार मदुरै अदालतमा पेश गरेको थियो। अदालतले उनलाई तीन दिनको लागि प्रहरी हिरासतमा पठाएको छ । यसअघि आर्थिक अपराध इकाई (इओयू)ले मनिषलाई पाँच दिनसम्म सोधपुछ गरेको भारतीय समाचार एजेन्सी जागरणले जनाएको छ ।

मनिष कश्यपलाई बिहार पुलिसले फेक भिडियोको सम्बन्धमा मार्च १८ मा बेतियाबाट पक्राउ गरेको थियो । बिहार प्रहरीका अनुसार बेतियाको जगदीशपुर प्रहरी चौकीमा उनले आत्मसमर्पण गर्दा पुलिस र ईओयू उनको घर कब्जा गर्ने प्रक्रियामा थिए । ईओयूले तमिलनाडुमा आप्रवासी मजदुरहरूलाई कुटपिट गरेको आरोपमा सोशल मिडियामा नक्कली भिडियो साझा गरेकोमा मनीष र अन्य आरोपीहरू विरुद्ध मुद्दा दर्ता गरेको थियो।

बिहार पुलिस र भ्इग् द्वारा जारी विज्ञप्तिमा भनिएको छ, “मनिष कश्यपलाई बिहार र तमिलनाडु पुलिसले मजदुर कुटपिटको नक्कली भिडियो साझा गरेको सम्बन्धमा वान्टेड घोषित गरेको थियो। घरको संलग्नताको डरले, उनले पुलिस समक्ष आत्मसमर्पण गरे । ”

यसअघि तमिलनाडुको कोइम्बटूरमा आप्रवासी कामदारमाथि आक्रमण गरेको आरोपमा हिन्दू मुन्नानी संगठनका दुई सदस्यसहित चार जनालाई पक्राउ गरिएको थियो। अभियुक्तहरुलाई न्यायिक हिरासतमा पठाइएको छ ।

यसै क्रममा युट्युबर मनिष कश्यपले स्पष्टीकरण दिएका छन् । “मैले कसैको बारेमा गलत भनेको छैन। ममाथि राजनीतिक आरोप लगाइएको छ । सबै आरोप झुटा छन् । मैले मजदुरको आवाज मात्र उठाएको हुँ ।” मनिषले भने ।

आन्तरिक राजस्व कार्यालय नेपालगन्ज

प्रतिक्रिया