चाँगुनारायण नगरपालिकाको भवन बन्यो, मेयर जीवन खत्रीले गरे उद्घाटन
सुरेन्द्रबहादुर खत्री सिलवाल, भक्तपुर । चाँगुनारायण नगरपालिकाको भवन निर्माण सम्पन्न भई चल्तीमा ल्याइएको छ । शुक्रबार भव्य समारोहबीच मेयर जीवन खत्रीले नगरपालिका भवनको उद्घाटन गरेका हुन् ।
चाँगुनारायण नगरपालिका को वडा नं ५, छालिङ्गको घुमाउने खरिपाटीस्थित २१ रोपनी कम्पाउन्डभित्र भवन बनाइएको हो । भवन स्थानीय कला संस्कृति झल्कने गरी बनाइएको छ । भवनभित्रको कम्पाउन्ड आकर्षक रहेको छ ।
मेयर जीवन खत्रीले जिम्मेवारी सम्हालेको डेढ वर्षमै नगरपालिकालाई आफ्नै भवनमा सार्ने सफलता हासिल गरेका छन् । भवन उद्घाटनपछि खत्रीले चाँगुनारायणलाई देशकै नमूना नगरपालिका बनाउने सपना साकार पारेरै छाड्ने दृढता व्यक्त गरे । उनले नगरपालिकाको भवन निर्माणसँगै पूर्वाधार विकासले तिव्र गति लिइसकेको बताए ।
भवनको शिलान्यासमा नगरप्रवक्ता जनक खत्री ,सुरक्षाकर्मी ,बुद्धिजीवी ,वडाअध्यक्षहरू, वडासदस्यहरू खेलप्रमिहरू लगायतको उपस्थिति रहेको थियो ।
