पाकिस्तान र बँगलादेशमा हिन्दू घटेको घट्यै नेपालमा मुसलमान र इशाई बढेको बढ्यै
आलोक गौतमः ‘सौ चूहे खा के बिल्ली चली हज को’ अर्थात् ‘सय मूसा खाएर बिरालो हजयात्रामा गयो,’ यो लोकोक्तिले पुग्दो पाप गरेर तीर्थयात्रा गएको भन्न खोजिएको हो । सँसारमा अहिले धार्मिक सहिष्णुताको आवाज फैलाउनेहरु धार्मिक नरसंहार नै गर्नेहरु नै छन् । विशेषगरी पश्चिमाहरुले सहिष्णुताको नारा खुबै घन्काउँछन् । तर, इतिहास साक्षी छ उत्तर अमेरिका, दक्षिण अमेरिका र अफ्रिकामा उनीहरुले रैथाने धर्म संस्कृतिमाथि आक्रमण गर्न नरसंहार नै गरेका थिए । अनि इशाई धर्म फैलाएका थिए । उत्तर अमेरिकामा मात्र ५ करोड मानिस मारिएका थिए । अफ्रिकामा पनि नरसंहार गरियो र दास बनाएर लगियो । उनीहरु दास मात्र बनेनन् धर्मान्तरण गर्न वाध्य भए ।
अहिले फरक रणनीतिका साथ धर्मान्तरण गरिदैछ । रणनीतिक तरिकाले द्वन्द्व फैलाएर स्थानीय धर्म संस्कृतिमाथि स्थानीयकै काँधमा बन्दुक पड्काएर आक्रमण गरिन्छ । हुटु र टुट्सीबीचको द्वन्द्वले निम्त्याएको नरसंहारका पछाडि पश्चिमाहरु नै थिए । अफ्रिकाको स्रोत साधनमाथि कब्जा र धर्मान्तरण साथ साथ गरिरहे उनीहरुले । अहिले उनीहरु नै धार्मिक सहिष्णुताको नारा घन्काइरहेछन् सय मूसा खाएर बिरालो हजयात्रामा गएको लोकोक्तिसँग मिल्ने जसरी ।
अफगानिस्तानमा हिन्दू बौद्ध जनसंख्या नामेट पारिएको छ अहिले । बामियानको विश्वकै सबैभन्दा पुरानो बुद्धमूर्ति तोपले उडाउनबाट रोक्न सकेनन् धार्मिक सहिष्णुताको नारा घन्काउनेहरुले । न त अफगानिस्तानमा हिन्दू बौद्धमाथिको आक्रमण रोक्न नै जिम्मेवारी ठाने कुनैबेला बहुसंख्यक हिन्दू बौद्ध जनसंख्या रहेको अफगानिस्तानमा ५० हिन्दू बौद्धको जनसंख्या एक सयभन्दा कममा झरेको छ । उनीहरु कि लखेटिए कि मारिए कि धर्म परिवर्तन गर्न वाध्य भए । के त्यही हो धार्मिक सहिष्णुता । सन् १९७० को दशकमा ७ लाख, १९८० मा झण्डै २ लाख, २००५ सम्म झण्डै एक लाखको संख्यामा थिए हिन्दू तर २०१० मा १० हजारमा झरेका उनीहरु अहिले सय भन्दा कम संख्यामा छन् । अफगानिस्तानमा एकमात्र हिन्दू पण्डित बाँकी छन् त्यो पनि मन्दिरको सुरक्षागार्डका रुपमा । उनको पनि जीवन खतरामा छ । बरु अफगानिस्तानमा अझै २० हजार इशाई रहेको तथ्यांक छ ।
पाकिस्तान नबन्दा त्यस क्षेत्रमा ३० प्रतिशत माथि हिन्दू जनसंख्या थियो । पाकिस्तान बन्दा २४ प्रतिशत हिन्दू थिए । अहिले पाकिस्तानमा २.४ प्रतिशत हिन्दू जनसंख्या छ । उनीहरु कि लखेटिए कि धर्मान्तरण गर्न वाध्य पारिए । रोचक यो छ कि पाकिस्तानमा इशाईको जनसंख्या बढेको छ । उनीहरु त्यहाँ सुरक्षित छन् र प्रभाव फैलाइरहेका छन् । बँगलादेशमा झण्डै १० प्रतिशत हिन्दू जनसंख्या छ । द सन्डे गार्डेनको अबको ३० वर्षमा बँगलादेशका कुनै हिन्दू बाँकी नरहने प्रक्षेपण गरेको छ । बँगलादेश नजन्मिदा त्यस क्षेत्रमा १९४० ताका कुल जनसंख्याको २८ प्रतिशत अर्थात् ३ करोड हिन्दू थिए । अहिले ९ प्रतिशतमा झरेको छ । त्यहाँ पनि हिन्दू मारिने, लखेटिने र धर्म परिवर्तन गर्न वाध्य पारिने क्रम चलिरहेको छ । बँगलादेशको हालैको सत्ता परिवर्तनमा हिन्दूहरु मारिए । उनीहरुले सुरक्षा खतरा भोगे । रोचक त यो छ कि बँगलादेशमा इशाईको जनसंख्या बढेको बढ्यै छ । उनीहरुलाई इशाई देशहरुको संरक्षण छ ।
हिन्दू बाहुल्य दक्षिण एशियामै हिन्दूहरु असुरक्षित भइरहेका छन् । उनीहरु सुरक्षा खतराले कि थालथलो छाड्नुपर्ने कि धर्मान्तरण गर्नुपर्ने वाध्यता झेलिरहेका छन् । तर, रोचक यो छ कि हिन्दू बाहुल्य नेपाल र भारतमा गैरहिन्दू जनसंख्या बढ्दैछ । यो हिन्दूको सहिष्णुता हो कि सहिष्णुतालाई कमजोरी ठानिएको हो ? यो प्रश्न गम्भीर बनेको छ ।
नेपालमा १९५२ तिर २ लाख मुसलमान जनसंख्या रहेकोमा २०२१ मा १४ लाख पुगेको छ । उनीहरुको जनसंख्या ह्वात्तै बढेको छ । २०५० सम्म नेपालमा ३२ लाख मुसलमान जनसंख्या हुने प्रक्षेपण छ ।
सन् १९६६ मा एक सयको संख्यामा थिए नेपालमा इशाई । १९९० मा आइपुग्दा ५० हजार पुगेको तथ्यांक छ । २०२१ को जनगणनाले इशाई जनसंख्या ५ लाख नाघेका छन् । यो क्रम अझ बढ्दो छ । ५० वर्षमा सयबाट ५ लाख पुगेका छन् इशाई । कुल जनसंख्याको झण्डै २ प्रतिशत उनीहरुको संख्या छ । हिन्दू बाहुल्य भारतमा पनि मुसलमान र इशाई जनसंख्या बढिरहेको छ । यो क्रम मुगल शासन हुँदै ब्रिटिश शासन देखि हिन्दूवादी भाजपा शासनकालमा पनि चलिरहेको छ । १९५१ म मुसलमान १० प्रतिशतको हाराहारीमा रहेकोमा २०११ म १४ प्रतिशत भन्दा बढी देखियो । पछिल्लो समय झन् बढेको प्रक्षेपण छ । इशाईको जनसंख्या पनि बढेको छ । बरु हिन्दूको जनसंख्या १९५१ म ८४ प्रतिशत रहेकोमा २०११ म ८० प्रतिशतभन्दा कम देखियो । यसबाट हिन्दूमा धर्मान्तरण गर्नेहरुको प्रहार स्पष्ट बुझ्न सकिन्छ ।
हिन्दूहरुको धार्मिक सहिष्णुतालाई कमजोरी ठानेर उनीहरु अल्पसंख्यक रहेको देशमा दमन गर्ने, नरसंहार गर्ने देखि लखेट्ने वा धर्मान्तरण गर्ने क्रम तिव्र छ । उनीहरुको जनसंख्या ती देशहरुमा तिव्र रुपमा घटिरहेबाट यो बुझ्न सकिन्छ । हिन्दूहरु जहाँ बहुसंख्यक छन् त्यहाँ मुसलमान र इशाईको जनसंख्या बढिरहेको छ । यसबाट पनि बुझ्न सकिन्छ कि हिन्दू कति सहिष्णु छन् र उनीहरुको सहिष्णुतालाई कमजोरी ठानेर मुसलमान र इशाई बाहुल्य देशहरुले योजनावद्ध तरिकाले धर्मान्तरण गराइरहेका छन् । के हिन्दूमात्र सहिष्णु बन्नुपर्ने अरु बन्नुनपर्ने ? मुसलमान र इशाई असुरक्षित भइहाले मुस्लिम र इशाई देशले बोलिहाल्ने हिन्दूका लागि को बोल्ने ? हिन्दूका लागि बोल्ने राष्ट्र खै ? सहिष्णुताको शब्दजालमा हिन्दू सिध्याउन खोज्ने ?