मोदीले किन ट्रम्पको फोन उठाएनन्
0
Shares
एजेन्सी, १४ भाद्र । अमेरिकी राष्ट्रपतिको फोन नउठाउने सँसारको को पो हुनसक्ला ? तर, भारतका प्रधानमन्त्री नरेन्द्र मोदीले अमेरिकी राष्ट्रपति डोनाल्ड ट्रम्पको फोन कल नै उठाएनन् ।
ट्रम्पले मोदीसँग कुरा गर्न पटक पटक प्रयास गरे । दिल्लीमा मोदीको सम्पर्क कार्यालयमा खबर गरे । तर, मोदीले फोन नै उठाएनन् ।
न्यु योर्क टाइम्सले मोदीले ट्रम्पको कुरा गर्ने प्रयासमा बेवास्ता गरेको खबर प्रकाशित गरेको छ । १७ जूनमा जी सेभेन समिटमा दुई नेताबीच टेलिफोन कुराकानी भएको थियो । त्यसपछि कुराकानी हुन सकेको छैन ।
भारतको सामानमाथि अमेरिकाले ५० प्रतिशत कर बढाएपछि मोदी ट्रम्पसँग असन्तुष्ट छन् ।