श्रीलंकाका पूर्वराष्ट्रपति विक्रमासिंघे पक्राउ
332
Shares
एजेन्सी, ६ भाद्र । श्रीलंकाका पूर्वराष्ट्रपति रणिल विक्रमासिंघे पक्राउ परेका छन् । सरकारी कोष हिनामिनाको आरोपमा उनलाई पक्राउ गरिएको जनाइएको छ ।
अन्तर्राष्ट्रिय समाचार एजेन्सीहरुका अनुसार ७६ वर्षीय विक्रमासिंघेलाई कोलम्बोको अपराध अनुसन्धान विमागमा नियन्त्रणमा राखिएको छ । उनीमाथि सोधपुछ भएको जनाइएको छ ।
विक्रमासिंघेले २०२३ मा आफ्नी पत्नीका लागि विश्वविद्यालयको दिक्षान्त समारोहमा भाग लिंदा व्यक्तिगत काममा सरकारी कोष हिनामिना गरेको आरोप लगाइएको छ ।
गोटाबाया राजापाक्षेत्रको राजीनामापछि २०२२ मा विक्रमासिंघे राष्ट्रपति बनेका थिए । तर, उनले २०२४ को राष्ट्रपति चुनावमा पराजय भोगेका थिए ।