दुर्गा प्रसाईँ, धबल र रवीन्द्रमाथि के के मुद्दा
काठमाडौं, ११ जेठ । राजावादी आन्दोलनमा भएको हिंसामा दुर्गा प्रसाईँसहित ६५ जनाविरुद्ध अभियोग दर्ता भएको छ । १५ चैत्रमा भएको तीनकुने घटनामा पक्राऊ परेकामध्ये अधिकांशलाई राज्यविरुद्धको कसूरमा काठमाडौं जिल्ला अदालतमा अभियोजन दर्ता भएको हो ।
दुर्गा प्रसाईँलाई राज्यविरुद्ध कसुर, आपराधिक उपद्रव, हत्या, संगठित अपराध, ज्यान मार्ने उद्दोग र एकीकृत कसुरमा सजायको मागदाबीसहित सरकारी वकिलको कार्यालयमार्फत् मुद्दा दर्ता भएको हो ।
राप्रपा महामन्त्री धबल शमशेर जबराविरुद्ध राज्यविरुद्धको कसुर, आपराधिक उपद्रव, संगठित अपराध र एकीकृत कसुरमा सजायको मागसहित मुद्दा दायर भएको छ ।
राप्रपा उपाध्यक्ष रवीन्द्र मिश्रविरुद्ध राज्यविरुको कसुर, आपराधिक उपद्रव, संगठित अपराध र एकीकृत कसुरमा सजायको मागदाबीसहित अभियोजन दर्ता भएको छ ।
तीनकुने घटनामा दुईजनाको ज्यान जानुका साथै दर्जनभन्दा बढी घाइते भएको घटनामा प्रसाईँसहितलाई आरोपी बनाइएको छ ।