बेलायती राजाले गोप्य तरिकाले ठूलो धन आर्जन गरेको खुलासा
747
Shares
एजेन्सी, १९ कात्तिक । बेलायती राजा चार्ल्स र उनका छोरा विलियम्सले गोप्य तरिकाले ठूलो धनराशी आर्जन गरेको खुलासा भएको छ । उनीहरुले गत वर्षमात्र साँढे ६ करोड डलर आर्जन गरेको खुलेको हो । यो १० अर्ब नेपाली रुपैयाँ बराबरको धनराशी हो ।
सन्डे टाइम्सका अनुसार राजा र राजकुमारले सार्वजनिक सेवा, च्यारिटी, सरकारी संस्था देखि जेलहरुमा समेत विभिन्न सम्झौता गरेर वार्षिक करोडौं डलर कमाइरहेका छन् । जुन उनीहरुले राज्यबाट पाउने सेवासुविधाभन्दा अतिरिक्त हो । उनीहरुले विभिन्न सम्पत्ति भाडामा दिएर पनि रकम आर्जन गर्दै आएका छन् ।
बेलायतको सेनालाई विभिन्न तालिम या गतिविधिमा जमिन भाडामा लगाएर पनि राजपरिवारले रकम आर्जन गरेको खुलेको छ । यी सबै गोप्य तरिकाले आर्जन भएका सम्पत्ति हुन् ।