नेपाल बँगलादेशसँग पराजित
1.8k
Shares
काठमाडौं, १४ कात्तिक । साफ महिला च्याम्पियनशिप फुटबलमा नेपाल बँगलादेशसँग स्तब्ध भएको छ । घरेलु मैदानमा नेपालले उत्कृष्ट प्रदर्शन गरेपनि बँगलादेशबाट २-१ ले पराजित भएको हो ।
पहिलो हाफ गोलरहित बराबरीमा सकिएपनि दोस्रो हाफमा बँगलादेशले गोल गरेको थियो । लगत्तै नेपालले बराबरी गरेपनि खेलको अन्तिमतिर गोल खान पुग्यो ।
नेपालकी स्टार खेलाडी सावित्रा भण्डारी बँगलादेशको रक्षापंक्तिका खेलाडीको कडा निगरानीमा परिन् । उनले गोल गर्ने प्रयास गरेपनि असफल भइन् ।
नेपालको रक्षापंक्ति र गोलकिपरको कमजोरीको फाइदा बँगलादेशको अग्रपंक्तिका खेलाडीले लिए । बँगलादेशको रक्षापंक्ति कडा देखियो ।