ओलीको बोलीः राजतन्त्र हुँदा गणतन्त्र आउँदैन, गणतन्त्र हुँदा राजा फर्कदैनन्
415
Shares
काठमाडौं, ८ वैशाख । नेकपा एमालेका अध्यक्ष केपी शर्मा ओली राजसंस्था रहँदा गणतन्त्र नआउने ठोकुवा गर्थे । सडकमा गणतन्त्रको नारा लाग्दा ओलीले बयलगाडा चढेर अमेरिका पुगिदैन भनी व्यङ्ग्य गरेको अझै चर्चामा छ । उनै ओली अहिले राजा फर्कदैनन् भनिरहेका छन् गणतन्त्रमा ।
ओलीले शुक्रबार एमालेको गोदावरीमा सुरु राष्ट्रिय महाधिवेशन प्रतिनिधि परिषद्को प्रथम बैठक उद्घाटनमा राजा कुनै हालतमा नफर्कने ठोकुवा गरे । ओलीले भने, ‘ढुक्क हुनुहोस् राजतन्त्र फर्कन्न ।’
सडकमा राजा फर्काउने नारा बढिरहँदा ओलीको भनाई आएको हो । उनले अयोग्यता, असफलता र कर्मका कारण जनताबाट विस्थापित राजतन्त्र फकाएने खोज्ने प्रयास विफल हुने बताए ।
ओलीले गणतन्त्रमा देखिएका विसंगति र विकृतिका बाबजुद यो प्रणाली उत्तम भएको दाबी गरे । उनले गणतन्त्रको विकल्प राजतन्त्र हुन नसक्ने बताए ।