९ श्रावण २०८१, बुधबार | July 24, 2024

प्रचण्डको भारत भ्रमणको तयारी तिव्र, राजदूत शर्माले भेटे जयशंकर


0
Shares

काठमाडौं, १० जेठ । प्रधानमन्त्री पुष्पकमल दाहाल प्रचण्डले आउँदो हप्ता भारत भ्रमण गर्ने भएका छन् । भ्रमणको मिति घोषणा नभएपनि आन्तरिक तयारी तिव्र भएको छ । सम्भवत आउँदो हप्ताको सुरुमै औपचारिक घोषणा हुनेछ भ्रमणको ।

बिहिवार भारतका विदेशमन्त्री डा. एस जयशंकरसँग नेपालका राजदूत डा. शंकर शर्माले भेटवार्ता गरेका छन् । भेट प्रधानमन्त्री प्रचण्डको भारत भ्रमणको तयारीका लागि नै थियो ।

भेटबारे जानकारी दिदै जयशंकरले खुशी व्यक्त गरे । आगामी दिनमा सम्बन्धलाई अझ मजबुत बनाउनेबारे प्रतिवद्धता व्यक्त गरे ।

राजदूत शर्माले जयशंकरसँगको भेटप्रति आभार प्रकट गरेका छन् । दुई देशको सम्बन्ध मजबुत बनाउनेबारे कुराकानी भएको उल्लेख गरेका छन् ।

राजदूत शर्माले भारतका विदेशमन्त्री जयशंकरसँग भेटेपछि प्रचण्डको भ्रमणको तयारी अगाडि बढेको सन्देश गएको छ । भ्रमणमा छलफल हुने एजेन्डाबारे नेपालको परराष्ट्र मन्त्रालयले तयारी लगभग पूरा गरिसकेको छ । परराष्ट्रमन्त्री एनपी साउदले विदेश मामलाका जानकारहरुसँग परामर्श गर्दै आएका छन् ।

आन्तरिक राजस्व कार्यालय नेपालगन्ज

प्रतिक्रिया